click here for more details

காச நோய் (TB)

மனித உயிர்களை குடிக்கும் கொடிய நோய்களில் காச நோயும் ஒன்றாகும். இதற்கு சயரோகம், எலும்புருக்கி நோய் போன்ற வேறு பெயர்களும் உண்டு.

இந்தியாவில் ஒவ்வொரு நிமிடமும் 2 நபர்களுக்கு சளியில் கிருமியுள்ள காச நோய் ஏற்படுகிறது. ஒரு நோயாளி ஒரு வருடத்தில் சுமார் 10 முதல் 15 நபர்களுக்கு இந்த நோயைப பரப்ப முடியும்.

காச நோய் என்றால் என்ன?

• காச நோய் கிருமிகளால் பரவும் ஒரு தொற்று நோய்.

• இது பெரும்பாலும் நுரையீரலை தாக்குகிறது

• இது மூளை, நிணநீர் சுரப்பி, எலும்புகள், சிறுநீரகம், வயிறு போன்ற மற்ற உருப்புகளையும் பாதிக்கும்.

காச நோய் எவ்வாறு ஏற்படுகிறது?

• காசநோய் கிருமிகள் காற்றின் மூலம் பரவுகிறது.

காசநோய்யின் அறிகுறிகள் என்ன?

• 2-3 வாரத்தில் சளியுடன் இருமல்

• இரும்பும் போது சளியுடன் இரத்தம்

• மாலை நேர காய்ச்சல்

• எடை குறைதல்

• நெஞ்சு வலி

• பசியின்மை

காசநோயை கண்டறிவது எப்படி?

• சளி பரிசோதனை - சளியில் கிருமிகள்

• அவசியானால் மார்பு எக்ஸ்-ரே எடுக்கலாம்

காசநோய்க்கான சிகிச்சை:

• காச நோயை பூரணமாக குணப்படுத்த முடியும்.

• 6 முதல் 8 மாதங்கள் சிகிச்சை

• டாட்ஸ் என்கிற நேரடி குறுகிய கால சிகிச்சை முறையே சிறந்தது

• அரசங்க மருத்துவமனைகளில் தரமான மருந்துகள் இலவசமாக கிடைக்கிறது.

• மருத்துவமனையில் தங்கி வைத்தியம் செய்ய தேவை இல்லை.

உங்கள் பொறுப்பு:

• சிகிச்சையை குறிப்பிட்ட காலம் வரை தொடர்ந்து எடுக்க வேண்டும்.

• சிகிச்சை ஆரம்பித்த சில நாட்களிலேயே நோயின் அறிகுறிகள் மறைந்தாலும் தொடர்ந்து மருந்து சாப்பிட வேண்டும்.

• சிகிச்சையை போதிய காலத்திற்கு முன்பாக நிறுத்தவோ அல்லது தவிற்பதோ கூடாது.

• சிகிச்சை காலத்தில் ஏற்படும் உடல்நலக் குறைவுகளை உடனே மருத்துரிடம் தெரிவிக்கவும்.

• குறிப்பிட்ட காலங்களில் சளி பரிசோதனை செய்து கொள்ள வேண்டும்.

நோய் மற்றவர்களுக்கு பரவாமல் இருக்கு நீங்கள் என்ன செய்ய வேண்டும்?

• கண்ட இடங்களில் சளியைத் துப்பக்கூடாது

• இரும்பும் போது வாயை துணியால் மூடிக்கொள்ளவும்

• சளியை மூடியுள்ள குப்பில் துப்பி எரித்துவிட வேண்டும்.

"உயிரைக் குடிக்கும் காசநோயை தடுத்திடுவோம். மனித இனத்தைக் குறைக்கும் சயரோகத்தை ஒழித்திடுவோம் மனித உடலை உருக்கும் எலும்புருக்கி நோயை உருத்தெரியாமல் அழித்திடுவோம்"

நன்றி: மாவட்ட காச நோய் தடுப்பு சங்கம், சேலம்.