நுரையீரல் பாதுகாப்பு
நுரையீரல் நோயுள்ளவர்களுக்கு எளிதில் சுவாசத்தில் தொற்றுகள் ஏற்பட வாய்ப்புண்டு. தொற்று நோயினால் நுரையீரல் மேலும் பாதிக்கப்பட்டு, நுரையீரலால் சரிவர வேரை செய்ய முடியாமல் பேகலாம். இக்காரணங்களுக்காக முன்னெச்சரிக்கை நடவடிக்கைகளை மேற்கொள்வது நல்லது.தொற்று நோயின் அறிகுறிகள: நுரையீரல் தொற்று எளிதில் வரலாம். தீவிரமான பிரச்சனையை உண்டாக்கலாம். எனவே, உடனடியாக சிகிச்சை மேற்கொள்வது முக்கியமானது. கீழக்கண்ட அறிகுறிகளைக் கண்டால் உங்கள் மருத்துவரைத் தொடர்பு கொள்ளுங்கள்.
மார்பில் புண் அல்லது இறுக்கம்.
இருமல் அதிகமாதல்.
மூச்சுத் திணறல் அதிகமாதல்.
இழுப்பு அல்லது இழுப்பு அதிகமாதல் .
சளியில் மாற்றம்.
சளியின் நிறம் மஞ்சள், சிவந்த பிரவுன், பச்சை நிறமாவது.
அளவில் அதிகமாவது அல்லது குறைவது.
கட்டியான சளி, காய்ச்சல், தொண்டைப்புண், சக்தி குறைதல், கணுக்கால் அல்லது காலில் வீக்கம், சளி, ஃபுளு அறிகுறிகள்.
தடுப்பு
கைகளை அடிக்கடி கழுவுங்கள், தொற்றுநோயை உண்டாக்கும் கிருமிகள் பொதுவாக, கை தொடுவதால் பரவுகின்றன.
மழை, குளிர் காலங்களில் குறிப்பாக, அதிக மானவர்களுக்கு ஜலதோஷமும், ஃபுளுவும் இருக்கும்போது கும்பலோடு தொடர்பு கொள்வதைத் தவிருங்கள்.
மருத்துவர் கூறிய மருந்துகளை உட்கொள்ளுங்கள்.
புகை பிடிப்பதை நிறுத்தங்கள், புகை பிடிப்பவரோடு இருப்பதை தவிர்கவும்.
ஏராளமான திரவங்களைக் குடியுங்கள் (8 முதல் 10 கிளாஸ் ஒரு நாளில்).
தொடர்ந்து உடற்பயிற்சி செய்யுங்கள்.
நுரையீரலில் சளி சேராமல் பார்த்துக் கொள்ளுங்கள்.
ஒவ்வொரு இலையுதிர் காலத்திலும் (மார்கழி, தை) மருத்துவரை தொடர்பு கொண்டு ஃபுளு மருந்துகள் அல்லது நிமோனியா தடுப்பு மருந்து தேவையா என்று பாருங்கள்.
இரவில் பெரும்பாலும் தூங்கிவிடுங்கள். பகலில் குட்டித் தூக்கம் போடலாம்.
சமசீரான உணவை உட்கொள்ளுங்கள்.
சிகிச்சை
மருத்துவர் கூறிய ஆன்டிபயாடிக்குகளை உட்கொள்ளுங்கள். தொற்றுநோயின் அறிகுறி தென்பட்டால் 24 மணி நேரத்தில் மருந்து வரை தொடர்பு கொள்ளுங்கள். பரிந்துரைக்கப்பட்ட எல்லா ஆன்டிபயாடிக்குகளையும் உட்கொள்ளுங்கள். சரியாகிவிட்டதென்று நிறுத்திவிடாதீர்கள்.
குடிக்கும் திரவங்களைஅதிகப்படுத்துங்கள்.
வீட்டு வேலைகளை எவ்வளவு முடியுமோ அவ்வளவு அதிகப்படுத்துங்கள், வேலைகளுக்கிடையே அவ்வப்போது ஓய்வெடுங்கள்.
சமச்சீரான உணவை உண்ணுங்கள், பசி குறைவாக இருந்தால் அடிக்கடி குறைந்த அளவு உண்ணுங்கள்.
அடிக்கடி சரியான இருமும் உத்திகளைக் கடைபிடியுங்கள்.
பல் தேய்த்து, மவுத்வாஷ் உபயோகித்து வாயை சத்தமாக வைத்துக் கொள்ளுங்கள்.
சிகரெட் புகையை சுவாசிக்காதீர்கள்.
Dr.ராஜேந்திரன்,
சென்னை
|
காற்று மாசால் நுரையீரல் வளர்ச்சி குறையும்! மாசுபட்ட காற்றைச் சுவாசித்தே வளரும் குழந்தைகளின் நுரையீரல் வளர்ச்சி பாதிக்கப்பட்டு குன்றிப் போகிறது என்கிறது இங்கிலாந்து மருத்துவ ஏடு. கலிபோர்னியாவில் 1759 குழந்தைகளிடம் மேற் கொண்ட எட்டு ஆண்டு கால ஆய்வின் கண்டுபிடிப்பு இது. குழந்தைகளின் நுரையீரல் வளர்ச்சி 10வது வயதிலிருந்து 18 வயது வரை கண்காணிக்கப்பட்டது. மாசு பட்ட காற்றைச் சுவாசித்த குழந்தைகளின் நுரையீரல் வளர்ச்சி 20 சதவீதம் குறைவாகவே உள்ளது. குறைவான மாசைச் சுவாசித்த குழந்தைகளுக்குப் பாதிப்பு வெறும் 1.6 சதவீதம் மட்டுமே. புகைப் பழக்கமோ, ஆஸ்மா போன்ற சுவாசப் பாதை நோயில்லாதவர்களிடமே இந்த ஆய்வு மேற்கொள்ளப்பட்டது. பரந்த வான்வெளியை மாசுபடுத்தியபின் நல்ல காற்றை எப்படி சுவாசிப்பது? மாசுபட்ட காற்றைச் சுவாசிக்கும் குழந்தைகள் நுரையீரலின் திறன் ஆண்டுக்கு ஒரு சதவீதம் குறைந்து போகிறது. வயது அதிகரிக்கும்போது இந்த நுரையீரல் குறை உயிருக்கே ஆபத்தாகிப் போகிறது. முதுமையில் உண்டாகும் இதய நோயும், சுவாசப்பாதை நோய்களும் அதிக வீரியத்துடன் தாக்குகின்றன. வளர்ச்சி, முன்னேற்றம் என்ற பெயரில் நல்ல தண்ணீரை, நல்ல காற்றை, நல்ல உணவை இழந்து வருகிறோம். பாட்டில் தண்ணீருடனும், முகமூடி ஆக்சிஜனுடனும், கணக்கற்ற மாத்திரைகளுடனும் வாழ்வதுதான் முன்னேற்றமா? |
